සුපිරි ජපාන ඉදිරිපෙළ ප්‍රහාරක ඔසාකා, එළඹෙන FIFA ලෝක කුසලාන අවසාන සුදුසුකම් ලැබීමේ තරග සඳහා ඕස්ට්‍රේලියාවට සහ වියට්නාමයට යන ජපාන කණ්ඩායමට ඇතුල් නොවන බව වාර්තා වේ.
ක්‍රීඩා සමාජ තරගයකදී පසුගියදා ඇති වූ ආබාධ තත්ත්වයක් හේතුවෙන් ඔහුට මෙම තරග සදහා සහභාගී වීමට නොහැකි බව ජපාන පාපන්දු සම්මේලනයේ දන්වා සිටියේය. ලෝක කුසලාන සුදුසුකම් ලැබීමේ තරඟ හතටම එක දිගට සහභාගීවූ ඔසාකාට අහිමිවන එකම සුදුසුකම් ලැබීමේ තරග මෙම තරග දෙක බවද වාර්තා වෙයි. ඕස්ට්‍රේලියාව සහ වියට්නාමය සමඟ පවත්නා තරග ජයගතහොත් ජපානය සෘජුවම ලෝක කුසලානයට සහභාගිවීමට නියමිතය.
