ප්‍රාථමික පාසල් සිසුන් කණ්ඩායමක් මධ්‍යම ජපානයේ Gifu ප්‍රාන්තයේ Takayama හි වීදිවල වසන්ත නිවාඩුවේදී සංගීතය ඉදිරිපත් කරමින් යුක්රේනය වෙනුවෙන් පරිත්‍යාග ඉල්ලා සිටිති.
9 හැවිරිදි ගිටාර් වාදකයෙකු වන Hibari Moriyasu, රුසියාවේ යුක්රේන ආක්‍රමණය හේතුවෙන් පීඩාවට පත් වූවන්ට උපකාර කිරීම වෙනුවෙන් පිහිටවූ ළමුන් හය දෙනෙකුගෙන් සමන්විත ඇගේ සංගිත කණ්ඩායමෙන් එකතු කරන ගන්නා මුදල් ජපන් රතු කුරුස සමාජය හරහා පරිත්‍යාග කිරීමට සැලසුම් කර තිබේ.
මාර්තු 20 වන දින, දේශීය සුපිරි වෙළඳසැලක් ඉදිරිපිට ළමුන් John Denver ගේ "Take Me Home, Country Roads" සහ ජපන් රොක් සංගීත කණ්ඩායමක් වන The High-Lows හි "Nichiyobi yori no Shisha" (ඉරිදා සිට පණිවිඩකරු) ඉදිරිපත් කරන විට සාප්පු සවාරි යන්නන් අත්පුඩි ගැසූහ.
ඔවුන් චිත්‍ර ඇඳීමේ කඩදාසි භාවිතයෙන් යුක්රේන වර්ණ නිල් සහ කහ වර්ණවලින් සලකුණු සාදා තිබුණි. එක පුවරුවක ලියා තිබුණේ "අපි අපට කළ හැකි දේ කරන්නෙමු. කරුණාකර පරිත්‍යාග කරන්න" යනුවෙනි.
ඔවුන්ගේ රංගනය YouTube හරහා අනෙකුත් ප්‍රේක්ෂකයින් වෙත ළඟා වී ඇති අතර වසන්ත නිවාඩුව අවසන් වන තුරු යුක්රේනය වෙනුවෙන් සංගීතයේ යෙදීමට ඔවුන් සැලසුම් කර තිබේ. ඔවුන්ගේ අවසන් රංගනය අප්‍රේල් 6 වැනිදා Takayama නගර ශාලාවේදී පැවැත්වේ.
