පසුගිය බ්‍රහස්පතින්දා රාත්‍රියේ සගා ප්‍රාන්තයේ Kawasoe ප්‍රදේශයේ ඇලකට වැටී අසූ හත් හැවිරිදි වියපත් පුද්ගලයකු සහ ඔහුගේ දෙහැවිරිදි කුඩා මිනිබිරිය එහි ගිලී ඇත.
පොලිස් ආරංචිමාර්ග වලට අනුව එදින සවස හය තිහට පමණ මෙම පුද්ගලයා සහ මිනිබිරිය වටපිටාවේ ඇවිදීමට නිවසෙන් බැහැර වී ඇති අතර ඔවුන් පස්වරු හතහමාර වන තෙක් නැවත නිවසට නොපැමිණීම හේතුවෙන් දියණියගේ පියා පොලිසියට පැමිණිලි කර තිබිණි . කෙසේ වෙතත් අවට ප්‍රදේශය නිරීක්ෂණය කළ පුද්ගලයන්ට ඔවුන්ගේ දේහයන් ඇලේ පාවෙමින් තිබියදී පස්වරු අටට පමණ සොයා ගන්නට ලැබී ඇත.
පොලිසිය සැක කරන පරිදි මෙම දෙදෙනා ඇලේ ඉවුරට ඉතා ආසන්නව ගමන් කරමින් සිටියදී පය පැකිලී හෝ ලිස්සා ඇලට වැටී ඇති අතර එහි ගිලී මිය යන්නට ඇත.
