ඔබ අප දන්නා පරිදි ශ්‍රී ලංකාවේ දැන් පවතින තත්වය සදහා ජපානයේ සිටින අපෙන් ලබා දිය හැකි සහයෝගය සදහා ජපානයේ නගෝයා තොයෝහෂි පල්ලියේ මීසම් භාර ගරු ජූඩ් පිරිස්පුල්ලේ පියතුමාගේ අනු දැනුම මත, ශ්‍රී ලංකාවේ කරදරයට පත්වූ අය වෙනුවෙන්, ආධාර එකතු කිරීමේ වැඩපිළිවලක් සංවිධාන කරමින් සිටිමු.
එය ක්‍රියාත්මක කිරීම සදහා, පළමු පියවර වශයෙන් ශ්‍රී ලංකාවේ වැඩිදෙනා පැමිණෙන චිබා තොයෝෂිකි දේවස්ථානයේදී ශ්‍රී ලංකාවේ සහෝදර සහෝදරියන් වෙනුවෙන්, ආධාර එකතු කිරීම සඳහා පහසුකම් (ආධාර පෙට්ටියක්) සැලසුම් කර ඇති අතර, චිබා තොයෝෂිකි මිසමට අයත් ජපන් ජාතිකයන් මේ බව දැනුවත් කිරීම සදහා විශේෂ ලිපියක් තැපැල් කිරීම මගින්, අවශ්‍ය ආධාර තොයෝෂිකි පල්ලිය වෙත බැංකු මාර්ගයෙන් ලබා ගැනීමට, තොයෝෂිකි පල්ලියේ මීසම් භාර පියතුමා සහ පුජා කමිටුව වැඩකටයුතු සුදානම් කර ඇත.
ලැබෙන මුදල්, ගරු ජූඩ් පිරිස්පුල්ලේ පියතුමාමාර්ගයෙන්, අවශ්‍ය අය හොදින් සොයා බලා, ශ්‍රී ලංකාවේ අවශ්‍ය ආයතන,විශේෂයෙන් රෝහල් වලට අවශ්‍ය බෙහෙත් ද්‍රව්‍ය ලබා දීමට කටයුතු කිරීමට අදහස් කර සිටිමු.
ඉදිරි වැඩකටයුතු වලදී අපත් සමග කටයුතු කිරීම කැමති ඔබ සැමට පහත සදහන් දුරකථන අංකය මගින් ගරු ජූඩ් පිරිස්පුල්ලේ පියතුමාව සම්බන්ධ කර ගත හැක.
Rev.Fr. Jude Peirispulle (090-9554-1302)
