සාමයේ වැදගත්කම සහ යුද්ධයේදී සිදුවන දැවැන්ත සිවිල් මරණ හානිය පිළිබඳව ලෝකය දැනුවත් කිරීම වෙනුවෙන් දෙවන ලෝක සංග්‍රාමයේදී එක්සත් ජනපදය Tokyo වෙත හෙලන ලද ගිනි බෝම්බ වලින් දිවි ගලවා ගත් අයගේ වාර්තා එකතු කළ අග්‍රගණ්‍ය ජපන් ලේඛකයෙකු වන 90 හැවිරිදි Katsumoto Saotome මහතා පසුගියදා මිය ගොස් ඇති බව වාර්තා වේ .
එතුමා අඟහරුවාදා මහලු වියට සම්බන්ධ ඉන්ද්‍රියයන් අකර්මණ්‍ය වීම හේතුවෙන් ටෝකියෝවට උතුරින් පිහිටි Saitama හි රෝහලක ප්‍රතිකාර ලබමින් සිටියදී මිය ගිය බව ඔහුගේ ප්‍රකාශකයෙකු වන Iwanami Shoten තහවුරු කළේය.
1945 මාර්තු 10 වන දින ජපානයේ අගනුවර ජනාකීර්ණ නගර මධ්‍ය ප්‍රදේශය අපායක් බවට පත් කළ ගිනි බෝම්බ ප්‍රහාරයෙන් යන්තම් දිවි ගලවා ගන්නා විට Tokyo හි උපන් Saotome ගේ වයස අවුරුදු 12 කි. "ගිනි නැති තරම් පොකුරු බෝම්බ වැස්සක් වැටෙද්දී මම ජීවිතය පතා දිව ගියෙමි" යනුවෙන් වරක් ඔහු සිය කතන්දරය සටහන් කර ඇත .
ඔහුගේ පළමු ස්වයං චරිතාපදාන කතාව වන "ඩවුන්ටවුන් හෝම්" 1952 දී කීර්තිමත් Naoki සාහිත්‍ය ත්‍යාගය සඳහා නම් කර තිබුණි. 2002 දී Tokyo හි වැටලීම් සහ යුද හානි පිළිබඳ කෞතුකාගාරයක් පිහිටුවීමට මූලිකත්වය ගෙන කටයුතු කළ එතුමා 2019 දක්වා එහි අධ්‍යක්ෂකවරයා ලෙස කටයුතු කර තිබේ.
