බළලුන් ඔවුන් සමඟ ජීවත් වන බළල් පවුලේ බළලුන්ගේ නම් සහ මුහුණු ඉගෙන ගන්නා බව Kyoto විශ්ව විද්‍යාලයේ සහ වෙනත් පර්යේෂණ ආයතනවල විද්‍යාඥයින් පිරිසක් එක්ව සිදුකළ පර්යේෂණයකින් සොයාගෙන ඇති අතර Scientific Reports සඟරාවේ සිය නවතම සොයාගැනීම් ප්‍රකාශයට පත් කළ පර්යේෂණ කණ්ඩායමට අනුව, මෙය බළලුන්ගේ භාෂාමය සංජානනය ඔප්පු කිරීමට උපකාරී වී තිබේ .
මිනිසුන්ට සහ සතුන්ට පොදු හැසිරීමක් වන "අනපේක්ෂිත සිදුවීමක් සිදු වූ විට පුදුමයට පත් වීම හේතුවෙන් දෙයක් හෝ සිදුවීමක් දෙස වැඩි වේලාවක් බලා සිටීම" කෙරෙහි අවධානය යොමු කරමින් කණ්ඩායම විසින් මෙම පර්යෙෂණය ආරම්භ කොට තිබේ. මෙහිදී සාමාන්‍ය පවුල්වල සහ බළල් පවුල්වල තුන් දෙනෙකු හෝ ඊට වැඩි කණ්ඩායම් වශයෙන් ජීවත් වූ බළලුන් 48 දෙනෙකු පරීක්ෂාවට ලක් කොට තිබේ .
මෙම අධ්‍යයනවලින් බළලුන්ට ඔවුන්ගේ සෙල්ලම් බඩු වල නම් මතක ඇති බව හෙළි වී ඇති අතර බළලුන් ඔවුන්ගේ හැඟීම් සහ හැසිරීම් ප්‍රකාශ කිරීමේදී එක් සතෙකුගෙන් තවත් සතෙකුට විශාල වෙනස්කම් ප්‍රදර්ශනය කරන බැවින් බළලුන් පිළිබඳ සමාන අධ්‍යයනයන් තවමත් දියුණු වී නොමැත.
