Tochigi ප්‍රාන්තයේ Nogi නගරයේ පිහිටා ඇති Nogi සිද්ධස්ථානය, දෙමාපිය බකමූණන් විසින් ඇති දැඩි කරනු ලබන බකමූණු පැටවුන් අමුත්තන්ට නිරීක්ෂණය කළ හැකි අග්‍රගණ්‍ය ස්ථානයක් ලෙස හැඳින්වේ.
මීට වසර 30 කට පමණ පෙර සිද්ධස්ථානයේ ජපන් Zelkova ගසක ගුලක් තුළ බකමූණන් වාසය කිරීම ආරම්භ වී ඇත. වසර දෙකකට පසු පළමු වතාවට මේ වසරේදී කූඩුව තුළ සුදු පිහාටු සහිත පැටවෙකු මැයි 13 බිහි වූ බව තහවුරු වී ඇති අතර දින තුනකට පෙරදී පැටවා පිටතට පැමිණි බැවින් සංචාරකයන් හට නැරඹීමට අවස්ථාව හිමිවී තිබේ.
"බකමූණෝ අපේ නගරයේ සංකේතාත්මක විශේෂය වන අතර ඔවුන් 'නගර කුරුල්ලා' ලෙසද නම් කර තිබේ . කුරුල්ලන් ස්වභාවධර්මයේ ජීවත් වන ආකාරය දෙස බලා සිටීමට අපි කැමතියි" යනුවෙන් දේවාල නියෝජිතයෙකු පැටවා පිළිබඳව අදහස් දක්‌වමින් පැවැසීය.
