සමාගම් ඩිජිටල් සහ හරිත පරිවර්තනය යන අංශ වෙත තල්ලු වීමත් සමඟ ජනවාරි-මාර්තු කාර්තුවේදී ජපාන සමාගම්වල ප්‍රාග්ධන වියදම් 3 % කින් ඉහළ ගොස් ඇති බැවින් අඛණ්ඩව සිව්වන කාර්තුවේ වැඩිවීම ද සනිටුහන් කර ඇති බව රජයේ දත්ත බදාදා පෙන්වා දුන්නේය.
කර්මාන්තශාලා ගොඩනැගීම සහ උපකරණ එකතු කිරීම වැනි අරමුණු සඳහා සියලුම මූල්‍ය නොවන අංශ විසින් කරන ලද සමස්ථ ආයෝජන වටිනාකම යෙන් ට්‍රිලියන 14.9 පමණ වන බව මුදල් අමාත්‍යාංශය විසින් නිකුත් කරන ලද දත්ත මගින් පැහැදිලි වේ.
“නිෂ්පාදකයින්ගේ ව්‍යාපාර ආයෝජන බොහෝ දුරට පූර්ව වසංගත අවධියේදී පැවැති මට්ටමට ළඟා වෙමින් පවතින බැවින් ජපාන ආර්ථිකය ඉහළ යමින් පවතී ” යනුවෙන් අමාත්‍යාංශයේ නිලධාරියෙකු මේ පිළිබඳව අදහස් දක්‌වමින් පැවසීය.
