කීර්තිමත් Ring Boxing සඟරාව විසින් ප්‍රකාශයට පත් කරන ලද "පවුමට පවුම" ශ්‍රේණිගත කිරීම්වල ඉහළම ස්ථානයේ රැදී සිටින 29 හැවිරිදි Naoya Inoue නම් ජපාන බොක්සිං ක්‍රීඩකයා සඳුදා දින ජපානයේ විදේශ වාර්තාකරුවන්ගේ සංගමය මගින් පැවැත්වූ මාධ්‍ය සාකච්ඡාවකදී කියා සිටියේ රසිකයන් සතුටු කිරීමට ඔහු තුළ පවතින ආශාව ඔහුගේ ශක්තියේ මූලාශ්‍රය බවයි.
ජූනි 7 වන දින ලෝක Bantamweight ශූරතා ඒකාබද්ධ කිරීමේ තරඟයේ දෙවන වටයේ දී පිලිපීනයේ Nonito Donaire ට එරෙහිව ප්‍රතිවාදියා පිටුදැකීමේ ජයග්‍රහණයක් ලබා ගත් අතර, ඒත් සමඟින් ජපානයේ බොක්සිං ක්‍රීඩා ක්ෂේත්‍රය තුළ අනුමත ආයතන තුනකින් පිරිනමන ලද පටි පැළඳ සිටින පළමුවැන්නා බවට පත් වීමට ඔහු සමත් විය .
"එය ජයග්‍රහණය ලබා ගැනීමක් පමණක් නොව, ප්‍රතිවාදියා දැවී යාමට පෙර කූට ප්‍රාප්තිය නිර්මාණය කිරීම හරහා සිදු කරනු ලබන දෙයකි. ප්‍රේක්ෂකයන්ට අපූරු තරඟ පෙන්වීමට පවතින මගේ නොසන්සිදෙන ආශාව මාගේ අග්‍රගණ්‍ය ප්‍රතිඵලවලට තුඩු දෙන බව මම විශ්වාස කරමි " යනුවෙන් Inoue සිය අදහස් දක්‌වමින් වාර්තාකරුවන්ට පැවැසීය.
