Gifu ප්‍රාන්ත රජයේ ලිංගික ප්‍රචණ්ඩත්වයට ගොදුරු වූවන් වෙනුවෙන් පිහිටුවා ඇති උපකාරක මධ්‍යස්ථානයට 2021 මූල්‍ය වර්ෂය තුළදී වාර්තාගත උපදේශන 1122ක් ලැබී තිබූ බව ප්‍රාන්තයේ ළමා හා පවුල් අංශය මගින් පසුගියදා නිවේදනය කර තිබේ.
උපකාරක මධ්‍යස්ථානය සම්බන්ධයෙන් මහජනතාව තුළ පවතින දැනුවත්භාවය වර්ධනය වීම සහ 2021 වසරේ සිට නිදහස් දුරකථන ජාල පණිවිඩ යැවීමේ යෙදුම හරහා උපදේශන ලබා ගැනිමේ සේවාව ආරම්භ කිරීම හේතුවෙන් මෙලෙස වාර්තා සංඛ්‍යාව ඉහළ ගොස් ඇති බව ප්‍රාන්ත රජය සදහන් කළේය.
ළමා හා පවුල් අංශයේ නිලධාරියෙකු මේ පිළිබඳව අදහස් දක්‌වමින් කියා සිටියේ , "ලිංගික අපයෝජනයන්ට ගොදුරු වූවන් බොහෝ දෙනෙක් වයස අවුරුදු 10 ත් 19 ත් අතර වුවද, ඔවුන්ට හිමිවන උපදේශන කටයුතු ඉතා අල්ප වේ . අපගේ නව රේඛීය සේවාව සහ වෙනත් ක්‍රම භාවිතා කරමින්, අපට යෞවනයන් අතර පවතින නව සම්බන්ධතාවක් ලෙස සේවය කළ හැකි බව වැඩි දෙනෙකුට දැනුම් දීමට කැමැත්තෙමු" යනුවෙනි.
