2019 වර්ෂයේ අභිරහස් ලෙස ඝාතනය කර miyagu ප්‍රාන්තයේ කඳුකර ප්‍රදේශයක වළදමා තිබූ කාන්තා මළ සිරුරක් සම්බන්ධයෙන් සැකපිට වයස අවුරුදු 35ක් වන පුද්ගලයෙකු Tochigi ප්‍රාන්ත පොලීසිය විසින් අත්අඩංගුවට ගෙන ඇත
පසුගිය ජනවාරි 18 වනදා කාන්තාවක් Tochigi ප්‍රාන්ත පොලිසියට පැමිණ 2019 වර්ෂයේ දී ඇය සහ ඇගේ සැමියා විසින් වයස අවුරුදු 24 ක් වන කාන්තාවක් ඝාතනය කර කඳුකර ප්‍රදේශයක වල දැමූ බව ප්‍රකාශ කිරීමත් සමගම මෙම සිද්ධිය සම්බන්ධ පරීක්ෂණ ආරම්භව ඇත.
ලද තොරතුරු ඔස්සේ යමින් පොලිසියේ අදාළ ස්ථානයෙන් කාන්තාවගේ මළ සිරුර ගොඩගෙන ඇති අතර Manabu Kaifu නම් අපරාධයට සම්බන්ධ පුද්ගලයා ද අත්අඩංගුවට ගෙන තිබේ.
කෙසේ නමුත් මියගොස් ඇති කාන්තාව සම්බන්ධව අනන්‍යතාවය තහවුරු කිරීමට කිසිම තොරතුරක් පොලිසිය මාධ්‍යයට ලබා දී නැති අතර ඇය මරණයට පත්වූයේ කෙසේදැයි යන්න ද ප්‍රකාශ කර නැත.
