තුර්කියේ සිට ජපානයට පැමිණි කුර්දි ජාතිකයෙකු හට ආපසු සිය රටට ගියහොත් විඳීමට සිදුවන හිංසා පීඩාවල අවදානම සලකා බැලූ ජපාන අභියාචනාධිකරණයක් ඔහුට සරණාගත භාවය ලබා දීමට තීන්දු කිරීමෙන් පසුව ආගමන විගමන දෙපාර්තමේන්තුව විසින් නියෝගය ක්‍රියාත්මක කිරීමට සූදානම් වන බව රජයේ මූලාශ්‍රයක් අඟහරුවාදා නිවේදනය කළේය.
සරණාගතයින් සඳහා වූ ජපාන නීතිඥ ජාලයේ ලේකම් කාර්යාලයට අනුව, 20 හැවිරිදි මෙම තුර්කි ජාතිකයා ජපානයේ සරණාගත භාවය ලබා දුන් පළමු තුර්කි කුර්දි ජාතිකයා බවට පත්වනු ඇත. මීට පෙර ඉරාන සහ සිරියානු කුර්දි ජාතිකයන් ජපානයේ සරණාගතයින් ලෙස පිළිගෙන ඇති අතර, තුර්කි කුර්දි ජාතිකයෙකුට එවැනි තත්වයක් ලබා දෙන පළමු අවස්ථාව මෙය වේ.
ඔහු 2014 දී ජපානයට ඇතුළු වූ අතර පසුව සරණාගත තත්ත්වය සඳහා ඉල්ලුම් කළ නමුත් එය 2018 දී ප්‍රතික්ෂේප වී තිබේ . පසුව ඔහු මැයි මාසයේදී එම තීරණය අවලංගු කරන ලෙස ඉල්ලා Sapporo මහාධිකරණ තීන්දුවට අනුව නඩුවක් ගොනු කර ඇත.
Sapporo දිස්ත්‍රික් උසාවිය විසින් මෙම නඩුව නිෂ්ප්‍රභ කර ඇති නමුත් , තුර්කියේ කුර්දි ස්වාධීන කණ්ඩායමක සාමාජිකයින්ට ආහාර සැපයීම නිසා හමුදාව සහ වෙනත් අය විසින් ඔහුට වධ හිංසා පමුණුවා ඇති පදනම සහ එහි බැරෑරුම් භාවය සලකා බැලූ මහාධිකරණය විසින් ඔහුට ජපානයේ රැදී සිටීමට අවස්ථාව සලසා දී තිබේ.
