අඛණ්‌ඩව ඉහළ යමින් පවතින භාණ්ඩ හා සේවා මිල ගණන් මධ්‍යයේ කුඩා දරුවන් සිටින පවුල්වල ආර්ථිකයට ශක්තියක් වීමේ අරමුණින් ජපාන සමාගම් විසින් ළදරු ආහාර සහ සනීපාරක්ෂක ද්‍රව්‍ය වල සිට අධ්‍යාපනික සෙල්ලම් බඩු සහ පොත් දක්වා කුඩා ළමයෙකුට අවශ්‍ය වන සෑම දෙයක්ම අන්තර්ගත වන පරිදි ළමා උපකාරක සේවයක් නිර්මාණය කර ඇති බව වාර්තා වේ.
මෙමගින් කාර්යබහුල දෙමාපියන්ට සහ ආර්ථික වශයෙන් අස්ථාවරව සිටින දෙමාපියන්ට තම අපතේ යන කාලය සහ අතිරේක වියදම් අවම කර ගත හැකි වන අතර නිතිපතා නිවසටම සිදුකෙරෙන බෙදාහැරීම් මඟින් දරුවන්ට අවශ්‍ය දේ අන්තර්ජාලය ඔස්සේ ගෙන්වා ගෙන අල්මාරි තුළ ගබඩා කර තබා ගැනීමට හැකියාව ලැබේ .
සේවා ක්‍රමයේ මාසික ගාස්තුව යෙන් 3,674 ක් වන අතර Toysub සෙල්ලම් බඩු කුලියට දීමේ උපකාරක සේවය මගින් එහි සාමාජිකයින්ට ලොව පුරා විවිධ රටවලට අයත් කාණ්ඩ 1,800 ක අයිතම 95,000 ක එකතුවකින් සෙල්ලම් බඩු තෝරා ගැනීමට ඉඩ සලසා දී තිබේ.
එවැනි සෑම මධ්‍යස්ථානයකම මාස දෙකක පමණ කාලයක් භාවිතා කළ හැකි අධ්‍යාපනික සෙල්ලම් බඩු පහක් හෝ හයක් අඩංගු වන අතර, Toysub හි අන්තර්ගතය දරුවන්ගේ වයසට සහ සංවර්ධන අවධීන්ට ගැලපෙන පරිදි සකස් කර ඇත.
රැකබලා ගැනීමේ පළපුරුද්ද සහිත විශේෂඥයින් විසින් කුලියට ලබා දුන් භාණ්ඩ ආපසු පැමිණීමෙන් පසු ඒවායේ සනීපාරක්ෂාව ඉතා ඉහළින් තහවුරු කරනු ලබන අතර සේවාව භාවිතා කරන දෙමාපියන්ට කෙටි කලක් සදහා තම දරුවන් වෙනුවෙන් සෙල්ලම් බඩු අලුතින් මිලදී ගැනීමට වඩා කුලියට ගැනිමෙන් කිසියම් මුදල් ප්‍රමාණයක් ඉතිරි කර ගැනීමට ද මෙහිදී අවස්ථාව හිමිවේ.
