Tokyo නගරයේ Kabukiza රඟහලේ පවත්වමින් තිබූ July Grand Kabuki ප්‍රසංගයට සහභාගී වූ කණ්ඩායමේ නළුවන් සහ කාර්ය මණ්ඩලයේ බහුතරය COVID-19 වෛරසය සඳහා ධනාත්මක බවට පරීක්‍ෂා කිරීමෙන් පසුව ඉදිරි දිනවල පැවැත්වීමට නියමිතව තිබූ ප්‍රසංග වාර අවලංගු කළ බව නිෂ්පාදක Shochiku සමාගම ජූලි 22 දින නිවේදනය කර තිබේ .
නිෂ්පාදන කණ්ඩායමේ සාමාජිකයෙකු ආසාදනය වී ඇති බව තහවුරු වීමෙන් පසු ජූලි 18 දින උදෑසන කාර්ය මණ්ඩලයේ සියලු දෙනාම PCR පරීක්ෂණ සදහා යොමු කර ඇති අතර එහිදී රඟපාමින් සිටි සුප්‍රසිද්ධ නළුවන් වන Ichikawa Ennosuke සහ Onoe Kikunosuke ඇතුළු සාමාජිකයින් 48 දෙනෙකු වෛරසයට ගොදුරු වී ඇති බව තහවුරු වී ඇත.
ඒ හේතුවෙන් ප්‍රසංගයේ අවසන් දිනය වන ජූලි 29 දක්වා පැවැත්වීමට නියමිතව තිබූ දර්ශන වාර සියල්ලක්ම අවලංගු කිරීමට සංවිධායකයින් පියවර ගෙන තිබූ අතර ප්‍රවේශපත්‍ර මිලදී ගත් පුද්ගලයින්ගේ මුදල් ආපසු ගෙවීම් පිළිබඳ සියලු තොරතුරු සමාගමේ https://www.kabukiweb.net/news/2022/07/notification_220722.html වෙබ් අඩවිය වෙත පිවිසීමෙන් ලබා ගත හැකි වේ.
