මේ වනවිට රටවල් 70 කට වඩා වැඩි සංඛ්‍යාවක් ආක්‍රමණය කර තිබෙන Monkeypox රෝගයේ ව්‍යාප්ති වේගය පිළිබඳව සලකා බලා උද්ගතව පවතින තත්ත්වය ගෝලීය හදිසි අවස්ථාවක් ලෙස නම් කිරීමට ලෝක සෞඛ්‍ය සංවිධානය තීරණය කළ බව එහි ප්‍රධානියා සෙනසුරාදා නිවේදනය කළේය.
"නව සම්ප්‍රේෂණ ක්‍රම හරහා ලොව පුරා වේගයෙන් ව්‍යාප්ත වී ඇති වසංගතය ඉතිහාසයක් අපට ඇත. ඒ ගැන අපට අවබෝධ වන්නේ ඉතා අල්ප වශයෙනි. මෙය පහසු හෝ සරල ක්‍රියාවලියක් නොවන බවත් එකිනෙකා අතර විවිධ අදහස් ඇති බවත් මම දනිමි" යනුවෙන් ලෝක සෞඛ්‍ය සංවිධානයේ අධ්‍යක්ෂ ජනරාල් Tedros Adhanom Ghebreyesus මේ සම්බන්ධයෙන් අදහස් දක්‌වමින් කියා සිටියේය.
ලෝක සෞඛ්‍ය සංවිධානයේ හදිසි අවස්ථා ප්‍රධානී,වෛද්‍ය Michael Ryan නව තීරණය පිලිබදව සදහන් කළේ " වඳුරු උවදුර ගෝලීය හදිසි අවස්ථාවක් ලෙස අධ්‍යක්ෂ ජනරාල් විසින් ප්‍රකාශයට පත් කර ඇත්තේ, ලෝකය වර්තමානය වනවිට වසංගත තත්ත්වයන් බැරෑරුම් ලෙස සලකන බවට සහතික කිරීම වෙනුවෙන් විය හැකි බවයි " .
