ප්‍රංශයේ වාර්තාගත නියඟයකින් බල සැපයුමට සහ කෘෂිකර්මාන්තයට බරපතල හානියක් කර ඇති අතර ඊට හේතුව රට දරුණු තාප තරංග මාලාවකට මුහුණ දීමයි. යුරෝපයේ බටහිර සහ දකුණු ප්‍රදේශ ජුනි මාසයේ සිට අධික උෂ්ණත්වයකින් සහ වියලි තත්ත්වයන්ගෙන් පීඩා විඳිමින් සිටියි.
වියළි කාලගුණය හේතුවෙන් නගර සභා 100 කට වැඩි ප්‍රමාණයකට පානීය ජලය හිඟ වී ඇති අතර ප්‍රංශ රජය විසින් රටේ මෙතෙක් වාර්තා වී ඇති දරුණුතම නියඟය ලෙස මෙය හඳුන්වා ඇත. පැරිසියේ නගර නිලධාරීන් ජලය ප්‍රතිචක්‍රීකරණය නොකරන දිය උල්පත් ක්‍රියාත්මක කිරීම නවතා දමා ඇති අතර ඔවුන් ප්‍රදේශවාසීන්ගෙන් ඉල්ලා සිටින්නේ දිය නෑම වෙනුවට ස්නානය කිරීම වැනි ජලය සංරක්ෂණය කිරීමට පියවර ගන්නා ලෙසයි.
නියඟය තිරිඟු, කිරි සහ අනෙකුත් කෘෂිකාර්මික නිෂ්පාදනයන්ට ද පහරක් එල්ල කර ඇත. මේ වසරේ තිරිඟු අස්වැන්න පෙර වසරට වඩා සියයට 7 කින් පහත වැටෙනු ඇතැයි රජය ගණන් බලා ඇත. නියඟ තත්ත්වය තවත් සති කිහිපයක් පවතිනු ඇතැයි අපේක්ෂා කෙරේ.
