ජපාන කර්මාන්ත අමාත්‍ය නිෂිමුරා යසුතොෂි පවසා ඇත්තේ රටට ස්ථාවර බලශක්ති සැපයුමක් ඇති බව සහතික කිරීම සඳහා හැකි සෑම දෙයක්ම කිරීමට තමන් අදහස් කරන බවයි. රුසියාවේ යුක්රේනය ආක්‍රමණය කිරීම සම්බන්ධයෙන් සාකච්ඡා කිරීමට අගමැති කිෂිඩා ෆුමියෝ සහ අදාළ අමාත්‍යවරුන් හමුවීමෙන් පසු අඟහරුවාදා නිෂිමුරා වාර්තාකරුවන්ට කතා කොට ඇත.
නිෂිමුරා පවසා සිටියේ ඔහු සකාලින් හි තත්වය විස්තර කළ බවත් ස්ථාවර බලශක්ති සැපයුමක් සහතික කිරීම සඳහා පූර්ණ උත්සාහයක් ගන්නා ලෙස කිෂිඩා ඔහුට උපදෙස් දුන් බවත්ය. අමත්‍යවරයා විසින් ප්‍රධාන ජපාන වෙළඳ ආයතන දෙකක් විසින් Sakhalin-2 තෙල් හා ගෑස් ව්‍යාපෘතිය භාර ගන්නා අලුතින් ස්ථාපිත රුසියානු සමාගමක් සමඟ ගිවිසුම් අත්සන් කරන්නේද පිළිබඳ සඳහන් කර ඇත.
සැප්තැම්බර් 4 වනදා වන විට ප්‍රතිචාර දක්වන ලෙස රුසියානුවන් වෙළඳ ආයතනවලින් ඉල්ලා සිටින බවත් ජපාන සමාගම් තීරණය කරන්නේ කෙසේදැයි සලකා බලමින් සිටින බවත් ඔහු පවසා ඇත. න්‍යෂ්ටික බලය සහ පුනර්ජනනීය බලශක්තිය මෙන්ම ප්‍රමාණවත් බලශක්තිය සුරක්ෂිත කිරීම සඳහා තාප විදුලිය ඇතුළු විකල්පයන් අනුගමනය කිරීමට තමා අදහස් කරන බව නිෂිමුරා පවසා ඇත.
