දෙසැම්බර් මාසයේ සිට රුසියානු තෙල් සඳහා මිල සීමාවක් පැනවීමට ජාතීන් හතේ කණ්ඩායමේ මුදල් ඇමතිවරු එකඟ වී ඇත. යුක්රේනය ආක්‍රමණය කිරීම සඳහා අරමුදල් සැපයීමේ මොස්කව්හි හැකියාව අඩු කිරීම මෙම පියවරේ අරමුණ වේ.
ඔවුන් පවසා සිටියේ මෙම පියවර රුසියානු මුහුදු තෙල් සහ ඛනිජ තෙල් නිෂ්පාදන සඳහා අදාළ වන අතර ගෝලීය බලශක්ති මිල ඉහළ යාම වැළැක්වීම සඳහා ද සැලසුම් කර ඇති බවයි.
නිවේදනයක් නිකුත් කරමින් අමාත්‍යවරු රුසියානු තෙල් සහ ඛනිජ තෙල් නිෂ්පාදන ආනයනය කිරීමට අපේක්ෂා කරන අනෙකුත් රටවලට මිල සීමාවට අනුගත වන ලෙස ඉල්ලා ඇත. ජපානයේ මුදල් අමාත්‍ය Suzuki Shunichi වාර්තාකරුවන්ට පවසා ඇත්තේ මෙම පියවර ක්‍රියාත්මක කිරීම සඳහා අදාළ අමාත්‍යාංශ සහ නියෝජිතායතන සමඟ කටයුතු කිරීමට සැලසුම් කරන බවයි.
