තම ලිංගභේදය හේතුවෙන් ප්‍රවේශ විභාග ලකුණු අඩු වූ බව පැවසූ කාන්තාවන් පිරිසකට දළ වශයෙන් ඩොලර් 127,000 ක වන්දි මුදලක් ගෙවන ලෙස ටෝකියෝ දිස්ත්‍රික් අධිකරණය වෛද්‍ය විශ්වවිද්‍යාලයකට නියෝග කර ඇත. 2006 සිට 2018 දක්වා ටෝකියෝ වෛද්‍ය විශ්ව විද්‍යාලයේ ප්‍රවේශ විභාග අසමත් වූ කාන්තාවන් 28 දෙනෙකු විසින් මෙම නඩුව ගොනු කර ඇත.
සභාපති විනිසුරු Hiraki Kyoko සිකුරාදා තීන්දුවේ ප්‍රකාශ කර සිටියේ කාන්තා අයදුම්කරුවන්ට ඔවුන්ගේ ලිංගභේදය හේතුවෙන් විශ්ව විද්‍යාලය ඒකාකාරව වෙනස් කොට සැලකූ බවත්, එය ඔවුන්ගේම උත්සාහයෙන් හෝ වෙනස් කළ නොහැකි දෙයක් බවයි. මෙය අසාධාරණ ලෙස වෙනස් කොට සැලකීම තහනම් කරන ආණ්ඩුක්‍රම ව්‍යවස්ථාවේ 14 වැනි වගන්තියේ අභිප්‍රාය උල්ලංඝනය කරන බව ඇය පවසා සිටියාය.
