පිරමීඩ ක්‍රමයට අපරාධ මෙහෙයවන සංවිධානාත්මක අපරාධ කල්ලියක ජාලයක් ටෝකියෝ සහ ඔසාකා නගර තුළ හඳුනාගන්නට හැකිව තිබේ.
එම නගර දෙක තුළ ප්‍රධාන දුම්රිය ස්ථාන ඇතුළුව මහජනතාව වැඩිපුර ගැවසෙන ප්‍රසිද්ධ ස්ථානවල දෙදෙනා බැගින් රැඳී සිට තරුණයන් ඉලක්ක කර ඔවුන්ගෙන් ප්‍රශ්න අසා හිතවත් කමක් ගොඩ නගා ගන්නට මොවුන් පලමුව උත්සාහ කරයි. අවන්හලක් තිබෙන්නේ කොහේද, විනෝද විය හැකි ස්ථාන කොහේ තිබෙන්නේ ද යනාදී වශයෙන් ප්‍රශ්න අසන මොවුන් අනතුරුව ඔවුන් හා මිතුරු වී ඔවුන් ගේ ඔවුන්ගේ පෞද්ගලික තොරතුරු රැස් කර ගනියි. පසුව දිගටම ඔවුන් හා මිතුරු දම් ගොඩනගාගෙන පිරමීඩ ක්‍රමයට මුදල් සොයන නීති විරෝධී ජාලවලට සම්බන්ධ වන ලෙසත් පිරමීඩ ව්‍යාපාර වල හවුල්කරුවන් වී මුදල් යොදන ලෙසත් බලපෑම් කරනු ලබයි. ටෝකියෝ බලධාරීන් ජනතාව දැනුවත් කර සිටින්නේ මෙවැනි මිතුරුදම් ඇතිකර ගන්නට උත්සාහ කරන පුද්ගලයින්ගෙන් දුරස් වන ලෙසත් එවැනි අය හමු වුවහොත් ළඟම සිටින ආරක්ෂක අංශ නිලධාරීන් දැනුවත් කරන ලෙසත් ය.
