ජපානයේ එමරිටස් අකිහිතෝ අධිරාජ්‍යයා ටෝකියෝ නුවර රෝහලකදී ඇසේ සුද ඉවත් කිරීමේ සැත්කමකට භාජනය කර ඇත. එමරිටස් අධිරාජ්‍යයා සඳුදා පෙරවරු 9.30 ට පමණ ටෝකියෝ විශ්ව විද්‍යාලයේ රෝහලට පැමිණි අතර ඔහුගේ බිරිඳ එමරිටා මිචිකෝ අධිරාජිනිය, මඳ වේලාවකට පසු ඔහු සමඟ එහි සම්බන්ධ වූවාය.
ඉම්පීරියල් හවුස්හෝල්ඩ් ඒජන්සියේ නිලධාරීන් පවසා සිටින්නේ කාච වල සුද වර්ධනය වී ඇති බැවින් එමරිටස් අධිරාජ්‍යයාගේ ඇස් දෙකෙහි සැත්කමක් අවශ්‍ය බව වෛද්‍යවරුන් සොයා ගත් බවයි. ඔවුන් පවසා සිටින්නේ ඔහුගේ වම් ඇසට සැත්කමක් කළ බවයි.
නියෝජිතායතන නිලධාරීන් පවසා සිටින්නේ එමරිටස් අධිරාජ්‍යයාගේ දකුණු ඇසේ ග්ලුකෝමා රෝග ලක්ෂණ ද ඇති බවයි. එම නිසා ලබන ඉරිදා ඇසේ සුද ඉවත් කිරීම සහ ග්ලුකෝමා සැත්කම් සිදුකිරීමට අපේක්ෂා කරන බව පවසා ඇත.
