ජපාන අග්‍රාමාත්‍ය කිෂිඩා ෆුමියෝ ජගත් සංවිධානයේ මහා මණ්ඩල සැසිවාර සිය දේශනයේදී එක්සත් ජාතීන්ගේ සංවිධානයේ කාර්යයන් ශක්තිමත් කරන ලෙස ඉල්ලා සිටීමට සැලසුම් කර ඇත. කිෂිඩා අඟහරුවාදා නිව්යෝර්ක් වෙත පියාසර කර ඇත.
රුසියාව යුක්රේනය ආක්‍රමණය කිරීමෙන් පසු නීතියේ ආධිපත්‍යයේ වැදගත්කම ඔහු එක්සත් ජාතීන්ගේ රැස්වීමේ කතාවේදී අවධාරණය කිරීමට තීරණය කර ඇති අතර ආරක්ෂක කවුන්සිලය ප්‍රතිසංස්කරණය කිරීම ඇතුළුව එක්සත් ජාතීන්ගේ කාර්යයන් ඉහළ නැංවීමේ අවශ්‍යතාවය සම්බන්ධයෙන් ද ඔහු සිය තර්ක ඉදිරිපත් කරනු ඇත.
ඊට අමතරව ඔහු ධනවාදයේ නව ස්වරූපයක් ඇතුළු ඔහුගේ ආර්ථික ප්‍රතිපත්ති ගැන නිව්යෝර්ක් කොටස් වෙළඳපොලේ දේශනයක් ද පවත්වනු ඇත. ජපානය සමඟ සාරධර්ම බෙදා ගන්නා රටවල් සමඟ සහයෝගීතාව ශක්තිමත් කිරීම සඳහා කිෂිඩා අනෙකුත් නායකයින් සමඟ රැස්වීම් පැවැත්වීමට අපේක්ෂා කර ඇත.
