ප්‍රබල සුළි කුණාටුවක් හේතුවෙන් දිනක ප්‍රමාදයකින් පසු ජපාන අගමැති කිෂිඩා ෆුමියෝ අඟහරුවාදා නිව්යෝර්ක් බලා පිටත්ව ගොස් ඇත. රුසියා යුක්රේනය යුද්ධය හේතුවෙන් ජාත්‍යන්තර පර්යායේ පදනම දෙදරවා ඇති අවස්ථාවක එක්සත් ජාතීන්ගේ කාර්යයන් ශක්තිමත් කිරීම ඇතුළු විවිධ කරුණු සම්බන්ධයෙන් ජපානයේ මතය පැහැදිලිව ප්‍රකාශ කිරීමට අවශ්‍ය බව අගමැතිවරයා පවසා ඇත.
කිෂිඩා විසින් විස්තීරණ න්‍යෂ්ටික පරීක්ෂණ තහනම් ගිවිසුම බලාත්මක කිරීම ඉලක්ක කරගත් සමුළු මට්ටමේ රැස්වීමක් පැවැත්වීමට නියමිතය. ඔහු බ්‍රිතාන්‍යයේ නව අගමැති Liz Truss ඇතුළු අනෙකුත් නායකයන් සමඟ වෙනම රැස්වීම් පැවැත්වීමට ද අපේක්ෂා කර ඇති අතර ඔවුන් සමඟ ගෝලීය ගැටලු රාශියක් සාකච්ඡා කිරීමට සහ සහයෝගීතාව යළි තහවුරු කිරීමට තමා කැමති බව කිෂිඩා පවසා ඇත.
