ජපානයේ ගුවන් ස්වයං ආරක්ෂක බළකාය සහ ජර්මානු ගුවන් හමුදාව ජපානයේදී ඔවුන්ගේ පළමු ඒකාබද්ධ පුහුණුව පවත්වා ඇත. ජපාන F-2 ප්‍රහාරක ජෙට් යානා තුනක් සහ ජර්මානු යුරෝෆයිටර් ජෙට් යානා තුනක් බදාදා මෙයට සහභාගී වී ඇත. ඔවුන් පුහුණුවෙන් පසු ටෝකියෝවට ආසන්න ඉබරාකි ප්‍රාන්තයේ හයිකුරි ගුවන් කඳවුරට පැමිණ ඇත.
ASDF පවසා සිටින්නේ මෙයට සන්නිවේදනය සහ උපායශීලී කුසලතා වැඩි දියුණු කිරීම සඳහා ගොඩනැගීමේ පුහුණුව ඇතුළත් වූ බවයි. ජර්මනිය 2020 දී සිය රාජ්‍ය තාන්ත්‍රික සහ ජාතික ආරක්ෂක මාර්ගෝපදේශවල ප්‍රකාශ කළේ ඉන්දු-පැසිෆික් කලාපයට සම්බන්ධ වීම වේගවත් කරන බවයි.
එහි කොටසක් ලෙස සැප්තැම්බර් මස මුල දක්වා ඕස්ට්‍රේලියාවේ පැවති බහුපාර්ශ්වික යුධ අභ්‍යාසයකට ජර්මානු ගුවන් හමුදාව සහභාගී වී ඇත. එමෙන්ම වසර 20කට පමණ පසු ප්‍රථම වතාවට ජර්මානු නාවික හමුදාවට අයත් නෞකාවක් ජපාන සමුද්‍රීය ස්වයං ආරක්ෂක බලකාය සමඟ ඒකාබද්ධ අභ්‍යාසයකටද සහභාගී වී ඇත.
