COVID-19 සීමාවන් ලිහිල් කිරීමෙන් පසු ආර්ථික ක්‍රියාකාරකම් යළිත් පිබිදීමත් සමඟ ජපානයේ කුඩා සමාගම් කාර්ය මණ්ඩල හිඟයකට මුහුණ දෙන බව සමීක්ෂණයකින් පෙන්නුම් කර ඇත. ජපානයේ වාණිජ හා කර්මාන්ත මණ්ඩලය විසින් පවත්වන ලද සමීක්ෂණයට කුඩා හා මධ්‍යම ප්‍රමාණයේ සමාගම් 2,880 ක් සහභාගී වී ඇත.
සියයට 65කට ආසන්න පිරිසක් කියා සිටියේ තමන්ට ප්‍රමාණවත් කම්කරුවන් නොමැති බවයි. එය 2019 වසරේ වාර්තාගත ඉහළම අගය වූ අතර එය සියයට 66.4ට ආසන්න විය. ඉදිකිරීම් කර්මාන්තයේ එම අගය සියයට 77.6ක් වූ අතර ප්‍රවාහන ක්ෂේත්‍රයේ එය සියයට 76.6ක් විය. වසංගතයෙන් දැඩි ලෙස පීඩාවට පත් වූ හෝටල් සහ ආපනශාලා අංශයේ පවා එම අගය සියයට 70 දක්වා ඉහළ ගොස් ඇත.
පසුගිය මූල්‍ය වර්ෂය තුළ නව උපාධිධාරීන් බඳවා ගැනීමට උත්සාහ කළ සමාගම්වලින් සියයට 45 කට වඩා වැඩි ප්‍රමාණයක් කියා සිටියේ ඔවුන් සැලසුම් කර ඇති පරිදි බඳවා ගත හැකි බවයි. එහෙත් සියයට 34.6ක් තම බඳවා ගැනීමේ ඉලක්කවලට වඩා අඩු බව ප්‍රකාශ කළ අතර සියයට 19.9ක් කියා සිටියේ තමන්ට නව උපාධිධාරීන් බඳවා ගැනීමට නොහැකි බවයි.
