යුක්රේනයේ පාර්ලිමේන්තු මන්ත්‍රීවරුන් පිරිසක් මෙම සති අන්තයේ ජපානයේ සංචාරයක නිරත වීමට නියමිතව ඇත. මෙම සංචාරය පෙබරවාරි මස අගදී රුසියාව විසින් තම රට ආක්‍රමණය කිරීම ආරම්භ කිරීමෙන් පසු සිදු කෙරෙන පළමු සංචාරය වනු ඇත. ඔවුන් රුසියාවට වැඩි පීඩනයක් එල්ල කරන ලෙසත් යටිතල පහසුකම් යථා තත්ත්වයට පත් කිරීම සඳහා සහාය ලබා ගැනීමටත් ජපානයෙන් ඉල්ලා සිටීමට අපේක්ෂා කෙරේ.
ටෝකියෝ හි යුක්රේන තානාපති කාර්යාලය සහ අනෙකුත් ආරංචි මාර්ග පවසා සිටින්නේ Galyna Mykhailiuk ඇතුළු පාර්ලිමේන්තු මන්ත්‍රීවරුන් පස් දෙනෙකු සෙනසුරාදා ජපානයට පැමිණීමට නියමිත බවයි. කණ්ඩායම ඔවුන්ගේ ජපන් සගයන් මෙන්ම රජයේ නිලධාරීන් සහ ආර්ථික කවයේ සාමාජිකයින් හමුවීමට සැලසුම් කර ඇත.
