ටෝකියෝ හි Sagawa Express Co Ltd හි සේවය කරන 38 හැවිරිදි සේවකයෙකු කාන්තාවකට හිරිහැර වන ලෙස දුරකථන ඇමතුම් ලබාදීම හේතුවෙන් අත්අඩංගුවට ගෙන තිබෙනවා.
බෙදාහැරීමේ රියදුරෙකු වන ඔහු අවම වශයෙන් 8 වතාවක් පමණ අදාල කාන්තාවට දුරකථන ඇමතුම් ගෙන ඇති බවයි වාර්තා වන්නේ.
පොලිසියට අනුව මෙම සැකකරු සැප්තැම්බර් 5 සහ 11 අතර අහඹු ලෙස කාන්තා පාරිභෝගිකයෙකුගේ අංකයක් තෝරාගෙන මෙසේ දුරකථන ඇමතුම් ලබාගෙන තිබෙනවා.
ඒ අනුව අදාල කාන්තාව සමග මිතුරු වීමට අවශ්‍ය බැවින් එසේ කල බවත් මීට පෙරද මෙවැනි ආකාරයට කාන්තා පාරිභෝගිකයන්ට ඇමතූ බවත් ඔහු පාපොච්චාරණය කර තිබෙන බවද පොලිසිය වැඩිදුරටත් පවසා සිටියා.
