2027 වර්ෂයේදී ජපානයේ ආරක්ෂක සහ ආරක්ෂාව සම්බන්ධ වියදම් වත්මන් දළ දේශීය නිෂ්පාදිතයෙන් 2% දක්වා ඉහළ නංවන ලෙස අගමැති ෆුමියෝ කිෂිඩා ආරක්ෂක සහ මුදල් අමාත්‍යවරුන්ට උපදෙස් දී ඇත.
කිෂිඩා ආරක්ෂක වියදම් වැඩි කිරීම සඳහා නිශ්චිත ඉලක්කයක් නියම කළ පළමු අවස්ථාව මෙයයි. ආදායම් සහ වියදම් යන දෙඅංශයෙන්ම ඒ සඳහා මූල්‍ය සම්පත් සුරක්ෂිත කර ගැනීමේ ක්‍රියාමාර්ග පිළිබඳව වසර අවසානයේදී තීරණය කිරීමට තම සැලසුම ද අග්‍රාමාත්‍යවරයා පෙන්වා දුන්නේය.
සඳුදා ආරක්ෂක අමාත්‍ය යසුකාසු හමාඩා සහ මුදල් අමාත්‍ය ෂුනිචි සුසුකි සමඟ පැවති රැස්වීමකදී කිෂිඩා ජපානයේ ආරක්ෂක හැකියාවන් දැඩි ලෙස ශක්තිමත් කිරීමේ ඔහුගේ අභිප්‍රාය බව අවධාරණය කළේය.
