වසර ගණනාවක් පුරාවට කඳවුරු බැඳීමට අවශ්‍ය ඉතා ප්‍රයෝජනවත් ආම්පන්න දැරිය හැකි මිලකට සපයමින් ක්ෂේත්‍රයෙහි විශ්වාසවන්ත නමක් දිනාගෙන සිටින Daiso සමාගම ඔවුන්ගේ නිෂ්පාදන ශ්‍රේණියේ අලූත් ම නිපැයුම එළි දක්වා තිබේ. Sleeping bags, කූඩාරම් ,කුඩා ලිප් සමගම ඔවුන් කඳවුරු බැඳීමේ දී අවශ්‍ය වන කුඩා පිසුම් උපකරණ ද හඳුන්වාදීම ආරම්භ කර තිබේ.
ජපන් යෙන් 550ක් පමණ මුදලකට මිලදී ගත හැකි ඔවුන් හඳුන්වා දී ඇති නවතම හුරුබුහුටි ලිප් විශේෂය කඳවුරු බඳින අතරතුරදී ආහාරයක් සාර්ථකව ටෝස්ට් කර ගැනීමට පහසුකම් සපයයි.
එය භාවිතයෙන් ඉතා පහසුවෙන් ආහාර සකසා ගැනීම තුළින් කඳවුරක් තුල ගත කරන දින කිහිපය එම අත්දැකීමේ උපරිම වින්දනය ලබා ගැනීමට ඉඩ සලසා දෙන බව නම් ස්ථිරය.
