ඊයේ(18) පස්වරුවේ විදුලිය විසන්ධි වීම හේතුවෙන් පැය හතරක පමණ කාලයක් අත්හිටුවා තිබූ Tokaido Shinkansen දුම්රිය ස්ථානය අද(19) සුපුරුදු පරිදි දුම්රිය ධාවනය ආරම්භ කළේය.
Toyohashi සහ Nagoya අතර ඊයේ පස්වරු 1.00 ට පමණ විදුලිය විසන්ධි වීමෙන් දුම්රිය 74 ක් අත්හිටුවනු ලැබූ අතර එමඟින් පුද්ගලයින් 110,000 ක් පමණ පීඩාවට පත් වූහ.
විදුලිය ඇනහිටීම නිසා දුම්රිය කාලසටහන්වලට බාධා ඇති වූ අතර දුම්රිය දෙපාර්තමේන්තුව විසින් තෝකියෝ, නගෝයා සහ ෂින්-ඔසාකා යන ස්ථානවල ගමනාන්තයට ළඟා වීමට නොහැකි වූ මගීන් සඳහා නවාතැන් ගැනීමට දුම්රිය මැදිරි විවෘත කරන ලදී. ඒ අනුව 950 දෙනෙකු පමණ මෙම දුම්රිය මැදිරිවල රාත්‍රිය ගත කළහ.
