එළඹෙන 16 වැනිදා ආරම්භ වන ප්‍රධාන ටෙනිස් තරගාවලි හතරේ පළමු තරඟය වන ඔස්ට්‍රේලියානු විවෘත ටෙනිස් තරගාවලිය සඳහා හිටපු ලොව අංක 1 ක්‍රීඩිකා නයෝමි ඔසාකා සහභාගී නොවන බව වාර්තා වේ.
කෙසේනමුත් ඇය ඒ සඳහා හේතුවක් සඳහන් කර නැහැ.
ඔසාකා 2019 සහ 2021 ඔස්ට්‍රේලියානු විවෘත ටෙනිස් ජයග්‍රහණය කළේය.
නමුත් පසුගිය වසරේ සැප්තැම්බර් මාසයේදී උදරාබාධයක් හේතුවෙන් Toray Pan Pacific Openහි කේවල දෙවැනි වටයෙන් ඇය ඉවත් වූ අතර එතැන් සිට නිල තරඟවලට ක්‍රීඩා කර නැත.
ඇය දැනට ලෝක ශ්‍රේණිගත කිරීම්වල 42 වැනි ස්ථානයේ සිටී.
