Shunichi Yamamoto නම් 26 හැවිරිදි පුද්ගලයෙකු පසුගිය 17 වන දින වෙරළ තීරයේ මියගොස් සිටියදී සොයා ගන්නා ලදී.
ඒ අනුව ඊයේ(25) දින ෆුකුඕකා ප්‍රාන්ත පොලිසිය විසින් ඕසකා හි 17 හැවිරිදි උසස් පාසල් සිසුවෙකු මේ සම්බන්ධයෙන් අත්අඩංගුවට ගන්නා ලදී.
ඔහු විසින් Yamamotoව කඹයකින් ගෙල සිර කළ ඝාතනය කර ඇති බවට සැක කෙරේ.
ප්‍රාන්ත පොලිසියට අනුව අපරාධ ස්ථානයේ දමා ගිය Yamamoto ගේ ස්මාර්ට් ජංගම දුරකථනය විශ්ලේෂණය කර ඇති අතර, සිද්ධියට දින කිහිපයකට පෙර Yamamoto සමාජ මාධ්‍යවල ලියා ඇත්තේ ඔහු සමඟ සියදිවි නසා ගැනීමට යමෙකු සොයන බවයි. පසුව සිද්ධිය වූ ස්ථානය ආසන්නයේ තිබූ ආරක්ෂක කැමරා කිහිපයක දර්ශනවලින් යමමොටෝ සහ පිරිමි පුද්ගලයන් දෙදෙනකු 16 වැනිදා රාත්‍රියේ එම ස්ථානය දෙසට ගමන් කරන අයුරු දක්නට ලැබිණි.
සිද්ධිය වූ ස්ථානයේ කූඩාරමෙන් පිටත භාවිතා කළ බ්රිකට් සහ හිස් මත්පැන් බෝතල් කිහිපයක් ද සොයා ගන්නා ලදී.
