මියන්මාරය සඳහා අතිරේක මානුෂීය ආධාර වශයෙන් ඩොලර් මිලියන 60 කට වැඩි මුදලක් ලබා දීමට ජපානය තීරණය කර තිබේ.
මියන්මාරයේ හමුදා කුමන්ත්‍රණයකින් වසර දෙකකට පසුව රට පාලනය කරයි.
මේ මස මුලදී ඔවුන් හදිසි නීතිය තවත් මාස හයකට දීර්ඝ කළේය.
මියන්මාරයේ ජනතාවට මානුෂීය ආධාර ලබාදීම තවදුරටත් හදිසි ප්‍රශ්නයක් බව ජපාන රජය පවසයි.
ඒ අනුව එක්සත් ජාතීන්ගේ සරණාගතයින් පිළිබඳ මහ කොමසාරිස් කාර්යාලය ඇතුළු ජාත්‍යන්තර සංවිධාන සමඟ එක්ව ආහාර සහ ඖෂධ ලබාදීමට රජය සැලසුම් කර ඇත.
එය යටිතල පහසුකම් සංවර්ධනයට සහ වෛද්‍ය සේවාවන්ට මෙන්ම නීති විරෝධී මත්ද්‍රව්‍යවලට එරෙහි පියවර ක්‍රියාත්මක කිරීමට ද සහාය වනු ඇත.
විදේශ අමාත්‍ය හයාෂි යොෂිමාසා පැවසුවේ දුෂ්කරතාවන්ට මුහුණ දී සිටින මියන්මාරයේ ජනතාවට ජපානය අඛණ්ඩව සහය ලබා දෙන බවයි.
