ජපානයේ H3 රොකට්ටුව දියත් කිරීම අසාර්ථක වී තිබේ.
ඒ දෙවන අදියරේදී එන්ජිම ක්‍රියාත්මක නොවී මෙහෙයුම අත්හිටුවීම හේතුවෙනුයි.
H3 යානය නිරිතදිග ජපානයේ Tanegashima අභ්‍යවකාශ මධ්‍යස්ථානයෙන් ඊයේ(07) පෙරවරු 10:37 ට දියත් කිරීමට නියමිතව තිබුණි.
ජපාන අභ්‍යවකාශ ගවේෂණ ඒජන්සිය නොහොත් JAXA ට අනුව ගුවන්ගත වී මිනිත්තු අටකට පමණ පසු දෙවන අදියරේ එන්ජිම ජ්වලනය කිරීම තහවුරු කර නොමැති බව නිවේදනය කරන ලදී.
ඒ අනුව පෙරවරු 10.52 ට පමණ රොකට්ටුව ස්වයං-විනාශ කිරීමට නියෝග කරන ලදී.
මෙම රොකට්ටුව ජපානයේ විශාලතම රොකට්ටුව වන අතර එහි උපරිම උස මීටර් 63 කි.
වසර 30කට පමණ පසු ජපානය නිපදවූ පළමු විශාල රොකට්ටුවද එයයි.
