දකුණු කොරියානු ඒකාබද්ධ මාණ්ඩලික ප්‍රධානීන්ට අනුව උතුරු කොරියාව ඊයේ(22) පෙරවරු 10.15 ට පමණ කෲස් මිසයිල කිහිපයක් ජපාන මුහුද දෙසට එල්ල කරන ලදී.
එක්සත් ජනපද සහ දකුණු කොරියානු හමුදාව දැනට මිසයිලයේ පියාසර පරාසය සහ උන්නතාංශය විශ්ලේෂණය කරමින් සිටින නමුත් තොරතුරු අනාවරණය කර නොමැත.
උතුරු කොරියාව විවිධ පරාසයන් සහිත කෲස් මිසයිල වර්ග කිහිපයක් සංවර්ධනය කරමින් සිටින අතර ඒවා න්‍යෂ්ටික යුධ ශීර්ෂ වලින් සන්නද්ධ කිරීමට අපේක්ෂා කරයි.
කෲස් මිසයිල අඩු උන්නතාංශවල පියාසර කරන අතර බැලස්ටික් මිසයිලවලට වඩා හඳුනා ගැනීමට සහ ලුහුබැඳීමට අපහසු වේ.
උතුරු කොරියාව පසුගිය 19 වැනිදාද ජපාන මුහුදට කෙටි දුර බැලස්ටික් මිසයිලයක් දියත් කර තිබුණි.
මෑත කාලීන මිසයිල දියත් කිරීම් සියල්ලම දකුණු කොරියාවේ පැවැත්වෙන එක්සත් ජනපද-දකුණු කොරියා ඒකාබද්ධ යුද අභ්‍යාසවලට ප්‍රතිචාර දක්වමින් මිසයිලවල ක්‍රියාකාරිත්වය වැඩි දියුණු කිරීම අරමුණු කරගත් බව පෙනේ.
