බෙලරුසයේ වෙසෙන සියලුම ශ්‍රී ලාංකික සිසුන්ට මොස්කව් හරහා මෙරටට පැමිණීමට පහසුකම් සැලසීමේ කටයුතු ආරම්භ කර ඇති බව විදේශ අමාත්‍යාංශය නිවේදනය කර තිබේ.
නිවේදනයක් නිකුත් කරමින් එම අමාත්‍යාංශය සඳහන් කළේ එම සිසුන්ට මොස්කව් හරහා ගමන් කිරීමට හදිසි පදනමක් මත සංක්‍රමණ වීසා නිකුත් කිරීමට කටයුතු සලසා ඇති බවත්
ශ්‍රී ලංකා තානාපති කාර්යාලය අදාළ විශ්ව විද්‍යාලවල පරිපාලනය සහ දෙමාපිය කණ්ඩායම් සමග පැවති සාකච්ඡාවල එකඟතාවන් මත මෙම කටයුතු සිදුකෙරෙන බවත් සඳහන් වේ.
මේ වන විට ශ්‍රී ලාංකික සිසුන් 1,561 දෙනෙකු පමණ බෙලරුසයේ අධ්‍යාපනය ලබන බව විදේශ කටයුතු අමාත්‍යාංශය ප්‍රකාශ කර ඇති අතර ඉන් රුසියාව හා යුක්රේනය අතර යුද ගැටුම හේතුවෙන් තාවකාලිකව මෙරටට පැමිණීමට බලාපොරොත්තු වෙන සිසු සිසුවියන්ට මොස්කව් හරහා මෙරටට පැමිණෙන ලෙස විදේශ අමාත්‍යාංශය ඉල්ලීම් කරයි.
