ලොව පුරා ඔමික්‍රෝන් හිස ඔසවන් මොහොතක චීනය 2022 ඔලිම්පික් උලෙළ කොවිඩ් ශූන්‍ය ලෙස පවත්වාගෙන යාමටත් නිම කිරීමටත් කටයුතු සම්පාදනය කරමින් පවතී.
මෙවර ඔලිම්පික් සදහා සහභාගි වන සෑම ක්‍රීඩක ක්‍රීඩිකාවකටම කොවිඩ් පිනිසම සම්පාදනය කල නීති රෙගුලාසි දාමයකට අනුකූල වීමට සිදුවෙන බව චීන ආරන්චි මාර්ග පවසයි.
සියලුම ඔලිම්පික් ක්‍රීඩකයන් අදාල එන්නත් ලබාගෙන තිබිය යුතුයි නැතහොත් දිගු නිරෝධායන කාල වලට යටත් විය යුතුයි.ක්‍රීඩා හෝ පුහුණුවීම් නොකරන අවස්ථාවලදී දෛනිකව පරීක්ෂණ වලට සහභාගි විය යුතු අතර මුඛ ආවරණ පැළඳ සිටීම අනිවාර්ය වේ. තම සගයන්ට සහාය වීමට ඔල්වරසන් දීම තහනම් වන අතර ඒ වෙනුවට අත්පොලසන් දීම සිදු කළ හැකි බව සියලුම ක්‍රීඩක ක්‍රීඩිකාවන්ට දැනුම් දී ඇත.
