ජපාන රාජකීය පවුලේ වාර්ෂික කවි පබැඳුම් ඉදිරිපත් කරන උළෙලේදී ජනතාව අමතමින් ජපාන අධිරාජ්‍ය Naruhito මහතා ප්‍රකාශ කළේ පවතින වසංගත තත්වය මුළු මහත් ලෝකයෙන් ම ඉතා ඉක්මනින් තුරන් වේවා යන්න සිය එකම පැතුම බවයි.
ජපාන රජ පවුලේ සාමාජිකයින් වයස් අනුපිළිවෙලට මෙහිදී සිය කවි පබැඳුම් ඉදිරිපත් කරන ලදී. දැනට විශ්ව විද්‍යාලයේ උසස් අධ්‍යාපනය හදාරන ජපාන අධිරාජයා ගේ එකම දියණිය වන Aiko කුමරිය ඉතා විචිත්‍රවත් කවි මාලාවක් සභාවට ඉදිරිපත් කරන ලදී.
