ළමුන්ට වැලදී ඇති නොදන්නා සම්භවයක් සහිත උග්‍ර හෙපටයිටිස් පිළිබඳ විවිධ රටවලින් ලැබෙන අඛණ්ඩ වාර්තා මධ්‍යයේ, ජපානයේ සමාන රෝග ලක්ෂණ සහිත පළමු ළමා රෝගියාගේ වාර්තා වීම තහවුරු කළ බව සෞඛ්‍ය, කම්කරු හා සුබසාධන අමාත්‍යාංශය අප්‍රේල් 25 නිවේදනය කළේය.
ලෝක සෞඛ්‍ය සංවිධානයේ (WHO) වාර්තාවකට අනුව , අප්‍රේල් 21 වන විට රටවල් 12 ක උග්‍ර හෙපටයිටිස් රෝගීන් 169 ක් තහවුරු වී ඇති අතර ඉන් එක් ආසාදිතයකු මරණයට පත්වී තිබේ. මෙහිදී අක්මා එන්සයිමවල අසාමාන්‍ය මට්ටම් ඇතුළත් වන අතර එය සෙංගමාලය සහ අක්මා රෝග වල බරපතලකම පෙන්නුම් කරයි. සමහර අවස්ථාවලදී බඩේ වේදනාව, පාචනය සහ වමනය වැනි රෝග ලක්ෂණද වාර්තා වී තිබේ.
ජපානයේ, ප්‍රාදේශීය ආන්ඩුවක් විසින් අප්‍රේල් 21 දින ජාතික රජයට හෙපටයිටිස් රෝගියකු ඇති බවට සැකයක් පවතින බව වාර්තා කල අතර සෞඛ්‍ය අමාත්‍යාංශය පුද්ගලයාගේ රෝග ලක්ෂණ, ලිංගභේදය, වයස හෝ ඔවුන් ජීවත් වන ස්ථානය හෙළි කර නොමැත.
