Tokyo නගරයේ Minato Ward හි පදිංචි "Tekisasu" නමින් හැඳින්වෙන හිටපු YouTuber කෙනෙකු සහ Sumiyoshi-kai අපරාධ Syndicate ට අනුබද්ධ කල්ලි සාමාජිකයෙකු වන 39 හැවිරිදි Shunta Sakai ඇතුළු තවත් 4 දෙනෙකු අගනුවර නීතිවිරෝධී කැසිනෝ ශාලාවකින් "ආරක්ෂාවට මුදල්" එකතු කිරීමට එරෙහිව අත්අඩංගුවට ගත් බව මෙට්‍රොපොලිටන් පොලිස් දෙපාර්තමේන්තුවේ සංවිධානාත්මක අපරාධ පාලන අංශය අප්‍රේල් 28 නිවේදනය කළේය.
සංවිධානාත්මක අපරාධවලට දඬුවම් දීම සහ අපරාධවලින් ලැබෙන ආදායම පාලනය කිරීම පිළිබඳ පනත උල්ලංඝණය කිරීම සම්බන්ධයෙන් සැකපිට මෙම සිව්දෙනා අත්අඩංගුවට ගෙන ඇති අතර සැකකරුවන් යෙන් මිලියන 1.1 ක් පමණ එකතු කළ බවට චෝදනා ගොනු වී තිබේ.
ඔවුන් විසින් Tokyo, Shinjuku Ward හි Kabukicho විනෝදාස්වාද දිස්ත්‍රික්කයේ ආපන ශාලාවක් සහ තවත් ස්ථානවලදී, පෝකර් ක්‍රීඩාවෙන් මුදල් ඉපැයූ නීති විරෝධී සූදු නිවාස කළමනාකරුවෙකුගෙන් මෙලෙස 2021 අගෝස්තු 2 සිට නොවැම්බර් 1 අතර කාලයේදී අවස්ථා හතරකදී මුදල් ලබා ගෙන තිබේ.
