යුක්‍රේනයේ රුසියානු ආක්‍රමණය හේතුවෙන් මෙම වසරේ අගෝස්තු 6 වන දින පැවැත්වීමට නියමිතව ඇති වාර්ෂික සාම අනුස්මරණ උත්සවයට රුසියානු ජනාධිපති Vladimir Putin හට ආරාධනා නොකර සිටීමට නගරය තීරණය කළ බව හිරෝෂිමා නාගරික රජයේ නිලධාරීන් මැයි 20දා ප්‍රකාශ කළේය .
"යුද්ධය හේතුවෙන් උත්සවය එහි මුල් ආත්මය වූ 'සැමරීම' වෙතින් බැහැර වනු ඇතැයි අපි කනස්සල්ලට පත්ව සිටිමු" යනුවෙන් හේතු දක්‌වමින් නාගරික රජයේ ප්‍රකාශකයකු පැවසීය. එක්සත් ජාතීන්ගේ මහලේකම්වරයා සහ ජාතික නායකයින් ඇතුළු විදේශීය සම්භාවනීය පුද්ගලයින් 90 දෙනෙකුට පමණ අනුස්මරණ උත්සවය වෙනුවෙන් ආරාධනා ලිපි යැවීමට නගරය අදහස් කරන බව සඳහන් වේ .
මෙම වසරේ උත්සවයට සහභාගිවන්නන් සඳහා ආසන 3,550ක් පමණ සූදානම් කිරීමට නියමිත අතර වසර තුනකට පසු පළමු වරට මහජනතාව වෙනුවෙන් ද ආසන සකස් කිරීම සිදු කෙරේ.
