පෙබරවාරි මස අගදී සිදුවූ රුසියාවේ යුක්රේන ආක්‍රමණය සමඟ ජපානයට ඉවත් වූ යුක්‍රේනියානුවන්ගේ සංඛ්‍යාව සෙනසුරාදා වනවිට 1,000 අගයට ළඟා වූ බව ආගමන විගමන අමාත්‍යාංශයේ බලධාරීහු පැවැසීය.
සාම්ප්‍රදායිකව සරණාගත ඉල්ලුම්පත්‍රවලින් 1% පමණ පිළිගන්නා ජපානය, මේ වන විට යුක්‍රේනයෙන් ඉවත් වූවන් හට සරණාගත තත්ත්වය ලබා නොදී විශේෂ පියවර යටතේ පිළිගෙන තිබේ.
කිසිදු නෑදෑයෙකු හෝ හඳුනන අයෙකු ජපානය තුළ නොමැති අය සඳහා ආණ්ඩුව යෙන් 2,400 ක් දක්වා වූ දෛනික ජීවන දීමනා ලබා දෙන අතර ඔවුන්ගේ වෛද්‍ය සේවා සහ ජපන් භාෂා පාඩම් සඳහා වන වියදම් ද රජය විසින් දරනු ලබයි.
