ලෝක වාර්තාවක් පිහිටවූ දැවැන්ත ලේසර් සංදර්ශකය


විශාල ලේසර් කදම්භයක් ප්‍රදර්ශනය කරමින් ජපානය ගිනස් වාර්තාවක් පිහිටුවයි

.

බටහිර ජපානයේ වෙරළ තීරයේ ගල් මුහුණක් මත "ආදරය සහ සාමය" යන වාක්‍ය ඛණ්ඩය ප්‍රදර්ශනය කළ විශාල ලේසර් ප්‍රක්ෂේපණයක්  "විශාලතම ලේසර් ආලෝක කදම්භ වාක්‍යය" ලෙස ගිනස් ලෝක වාර්තා අතරට එක්ව ඇති බව වාර්තා වේ .

 

මීටර් 16 x 205.566 ප්‍රමාණයෙන් යුත් මෙම වාක්‍ය ඛණ්ඩය, මැයි 24 දින රාත්‍රියේ, Wakayama ප්‍රාන්තයේ, Shirahama නගරයේ වෙරළ තීරයේ වූ ගල් මුහුණක් මතට ප්‍රක්ෂේපණය කළ අතර ප්‍රදේශයේ හෝටලයක් කළමනාකරණය කරන නාගරික ව්‍යාපාරයක් වන Ojas සමාගම විසින් එය ඉදිරිපත් කොට තිබිණි. 

 

2021 ජූලි මාසයේ සිට සෑම රාත්‍රියකම සමාගම විසින් වෙනත් වාක්‍ය ඛණ්ඩ සහ හැඩතල මෙන්ම හෝටලයේ අමුත්තන්ගේ උපන් දින සුභ පැතුම් සඳහාද ලේසර් සංදර්ශන පැවැත්වූ අතර "ආදරය සහ සාමය" ලෙසින් ඉදිරිපත් කළ නව පණිවිඩයේ පැහැදිලිවම රුසියාවේ යුක්‍රේන ආක්‍රමණය ඉක්මනින් අවසන් කිරීම සඳහා වූ ප්‍රාර්ථනා අඩංගු වී ඇති බව පැවැසේ .

111 Views

Comments