පරිගණකවල දැනට පවතින වේගය අනුව ලොව වේගවත්ම පරිගණකය තේරීමේ TOP500 ව්‍යාපෘතියේ ශ්‍රේණිගත කිරීම්වලට අනුව ලැයිස්තුවේ ඉහළම දෙවන ස්ථානයට පත්වීමට ජපාන සුපිරි පරිගණකයක් වන Fugaku සමත් වී ඇති බව එහි සංවර්ධක සහ පර්යේෂණ ආයතනය වන Riken සඳුදා දින නිවේදනයක් නිකුත් කරමින් ප්‍රකාශ කළේය.
නමුත් Riken සමාගමට අනුව, අඛණ්ඩව පස්වන වරටත් විශාල දත්ත විශ්ලේෂණ සඳහා වන Graph500 ලැයිස්තුවේ ප්‍රථම ස්ථානය පවත්වා ගෙන යාමට Fugaku සමත් වී තිබේ.
"මෙයින් පෙනී යන්නේ Fugaku තරඟකාරිත්වය සහ සංවර්ධනය දරුණු වෙමින් පවතින ක්ෂේත්‍රයක ලෝකයේ ප්‍රමුඛතම සුපිරි පරිගණක වලින් එකක් ලෙස දිගටම පවතින බවයි " යනුවෙන් Fugaku වෙත සත්කාරකත්වය සපයන Hyogo ප්‍රාන්තයේ Kobe හි පරිගණක විද්‍යා මධ්‍යස්ථානයේ අධ්‍යක්ෂ Satoshi Matsuoka මේ පිළිබඳව අදහස් දක්‌වමින් පැවසීය.
