Nagoya ප්‍රාන්තයේ Naka Ward හි පිහිටා තිබූ හෝටලයකදී 16 හැවිරිදි අනුගාමිකයෙකුට හානි කොට ප්‍රාන්තයේ බාල වයස්කාර දරුවන්ගේ ආරක්ෂාව සහ පෝෂණය පිළිබඳ ආඥාපනත උල්ලංඝනය කිරීම සම්බන්ධයෙන් සැකපිට ජපානයේ TikTok සාදන්නන් දෙදෙනෙකු අත්අඩංගුවට ගත් බව Aichi ප්‍රාන්ත පොලිසිය ජුනි 4 වන දින නිවේදනය කළේය.
ස්ථිර ලිපිනයක් නොමැති, ස්වයං ප්‍රකාශිත ගෘහ ව්‍යාපාර හිමිකරුවන් ලෙස හඳුනාගත් 24 හැවිරිදි Yuma Hamada සහ 20 හැවිරිදි Sotaro Ojima යන සැකකරුවන් දෙදෙනාට ජනප්‍රිය TikTok ගිණුම් තිබී ඇති අතර එමඟින් ඔවුන් මසකට යෙන් ලක්ෂ ගණනක් උපයාගෙන ඇති බව වාර්තා වේ .
ඔවුන් දෙදෙනාම තමන්ට එරෙහි චෝදනා පිළිගෙන ඇති අතර "අපි ප්‍රසිද්ධ නිසා ගැහැණු ළමයින්ව පොළඹවා ගැනීම පහසුයි. ඒ නිසා ලිංගික ආශාවන් සන්තර්පණය කර ගැනීමට අපි උත්සාහ කළා. බොහෝ වාරයක් අප වෙත පැමිණි ගැහැණු ළමයින්ට මෙවැනිම වූ සමාන දේවල් සිදු කළා" යනුවෙන් ඔවුන් පොලිසියට පවසා තිබේ. දැරිය පොලිසියට හදිසි ඇමතුමක් ලබා දී සිදුවීම පිළිබඳව ඔවුන්ට දැනුම් දීමෙන් පසුව සැකකරුවන් මෙලෙස අත්අඩංගුවට පත්වී තිබේ.
