නිරිතදිග ජපානයේ උතුරු Kumamoto ප්‍රාන්තයේ වර්තමාන Yamaga නගරය, Edo යුගයේ දී තැපැල් මධ්‍යස්ථානයක් වශයෙන් සංවර්ධිතව තිබූ අතර ප්‍රදේශයේ සමෘද්ධියේ සංකේතයක් ලෙස Meiji යුගයේ අගභාගයේදී එනම් වර්ෂ 1910 දී පමණ ප්‍රාදේශීය ස්වේච්ඡා සංගමයක් විසින් නගරයේ Yachiyoza නමින් ලී දෙමහල් රංග ශාලාවක් ඉදිකර තිබේ .
නැව් නියෝජිතවරයෙකු වූ Kimura Kametaro විසින් විශාල අභ්‍යන්තර අවකාශයක් සහිතව එය නිර්මාණය කර ඇති අතර එකල මිනිසුන් විසින් මෙහිදී දුර්ලභ වූ Kabuki සහ අනෙකුත් නාට්‍ය සහ ප්‍රසංග පවත්වා ඇති බව පැවැසේ.
1973 දී දෙවන ලෝක සංග්‍රාමයෙන් පසුව දශකයකට වැඩි කාලයක් පුරාවටම Yachiyoza ශාලාව වසා දමා තිබූ අතර ප්‍රදේශයේ අභිමානවත් රංග ශාලාව නටබුන් වීම දැක කණගාටුවට පත් වූ ප්‍රදේශයේ වැඩිහිටි සංගමයක් වහලය ප්‍රතිසංස්කරණය කිරීම සඳහා ආධාර එකතු කිරීම ආරම්භ කර ඇත . එම මූලාරම්භය, ජාතියේ වැදගත් සංස්කෘතික දේපලක් ලෙස රඟහල නම් කිරීමටත් පසුව එහි සිදුවූ මහා පරිමාණ ප්‍රතිසංස්කරණ වලටත් හේතු වී ඇත .
