Kochi ප්‍රාන්තයේ Shimanto හි පිහිටි තම නිවසේදී Takao නමැති 77 හැවිරිදි බිරිඳගේ ගෙල සිර කර මරා දැමීම සම්බන්ධයෙන් සැකපිට ඇයගේ ස්වාමි පුරුෂයා වූ 80 හැවිරිදි Takaaki Yano නම් පුද්ගලයකු ප්‍රාදේශීය පොලිසිය විසින් පසුගියදා අත්අඩංගුවට ගෙන තිබේ.
බිරිඳ ඝාතනය කිරීමෙන් පසුව Yano පිහියකින් ඔහුගේ අතේ මැණික් කටුව ප්‍රදේශය කපාගෙන ඇති අතර ඔවුන්ගේ ඥාතියෙකු විසින් නිවසේ බිම වැටී සිටි Yano සහ Takao සොයාගෙන තිබේ. ඉරිදා පස්‌වරුවේ ඥාතියා 110 අමතා පොලීසියට සිදුවීම පිළිබඳව දැනුම් දීමෙන් පසුව නිලධාරීන්ගේ මැදිහත්වීමෙන් යුවළ වහාම රෝහල් ගත කර ඇත.
එහිදී Takao මිය ගිය ගොස් ඇති අතර Yano ගේ තුවාල සුළු ඒවා බවත් ඔහු අත්අඩංගුවට පත්වූ පසුව තම බිරිඳ ඝාතනය කළ බවට ඉඟි කළ නමුත් ඒ පිළිබඳව වැඩිදුර තොරතුරු හෙළි නොකළ බව පොලිසිය පැවැසීය.
