ජපානයේ ශිෂ්‍ය මගී ගමන් බලපත්‍ර වංචනික ලෙස මිලදී ගත් බවට සැකපිට Kanagawa ප්‍රාන්තයේ Kawasaki හි පදිංචිව සිටි රැකියා විරහිත Tran Quoc Tuan නම් 25 හැවිරිදි වියට්නාම ජාතිකයෙකු ප්‍රාන්ත පොලිසියේ ජාත්‍යන්තර විමර්ශන අංශය විසින් අත්අඩංගුවට ගත් බව Kanagawa ප්‍රාන්ත පොලිසිය ජුනි 16 දින නිවේදනය කළේය.
අප්‍රේල් 8 වෙනිදා Yokohama හි JR Higashi-Kanagawa දුම්රිය ස්ථානයේ ටිකට් යන්ත්‍රයකදී ශිෂ්‍ය අවසර පත්‍රයක් මිලදී ගැනීමට අවශ්‍ය කේතය ඇතුළත් කර යෙන් 30,740 වටිනා ශිෂ්‍ය මගී ගමන් බලපත්‍ර තුනක් වංචනික ලෙස මිලදී ගත් බවට ඔහුට එරෙහිව චෝදනා එල්ල වේ.
ඔහු විසින් සාමාන්‍ය මගී ගමන් බලපත්‍රවලට වඩා අඩු මිලක් ඇති ශිෂ්‍ය මගී ගමන් බලපත්‍ර එලෙස ලබා ගෙන ජපානයේ වෙසෙන 20 හැවිරිදි වියට්නාම කාන්තාවකට නැවත අලෙවි කිරීමට උත්සාහ කළ අවස්ථාවේදී අත්අඩංගුවට ගෙන ඇති අතර සැකකරු එම චෝදනා පිළිගෙන "ඒක වැරදියි කියලා මම දැනගෙන හිටියා. මම එකම දේ 100 වතාවක්වත් කළා" යනුවෙන් විමර්ශන නිලධාරීන්ට පවසා තිබේ
