ජපාන අගනුවර Ueno සත්ව විද්‍යා උද්‍යානයේ වෙසෙන ජනප්‍රිය නිවුන් යෝධ පැන්ඩාවන් දෙදෙනාගේ ජුනි 23 වන දිනට යෙදෙන පලමු උපන් දිනය වෙනුවෙන් පැවැති සැමරුම් උත්සවය උත්කර්ෂවත් අන්දමින් ජුනි 20 වන දින පැවැත්විණි.
ලොතරැයි දිනුම් ඇදීමක් මගින් තෝරාගත් Tokyo නගරයේ වාසය කරන පෙරපාසල් දරුවන් යුගල 14ක් සහ ඔවුන්ගේ භාරකරුවන්ගෙන් සමන්විත විසිඅට දෙනෙකුගේ කණ්ඩායමක් Lei Lei ගේ සහ ඇගේ නිවුන් සොහොයුරා වන Xiao Xiao ගේ උපන්දින උත්සවය සඳහා සහභාගී වූ අතර මෙහිදී දරුවන් විසින් සාදන ලද උපන්දින සුභපැතුම් පත් පැන්ඩා පැටවුන් හට පිරිනැමීම සිදු විය.
Tokyo ආණ්ඩුකාර Yuriko Koike විසින් නිවුන් දරුවන්ගේ උපන්දිනය වෙනුවෙන් කිරි, ඇපල් සහ උණ බම්බු ත්‍යාග වශයෙන් ඔවුන්ට පිරිනැමූ අතර සහභාගිවන්නන් සමග සමරු ඡායාරූපයකට ද පෙනී සිටියේය.
