85 හැවිරිදි ජනප්‍රිය ගායකයෙකු වූ Yuzo Kayama සිය සංගීත දිවියේ අවසන් සටහන තැබීමේ සහ වසර 60කට වැඩි කාලයක් පුරා තමා සමඟින් රැදී සිටි රසික රසිකාවියන් වෙනුවෙන් අවසන් රංගනය ලබා දීමේ අරමුණින් එළැඹෙන සැප්තැම්බර් 9 වැනි දින අගනුවර ටෝකියෝ ජාත්‍යන්තර සංසදයේදී පැවැත්වීමට නියමිතව ඇති ප්‍රසංගයක් භාවිතා කිරීමට සුදානම් වෙමින් සිටින බව වාර්තා වේ.
ජීවිත කාලය පුරාම ගායකයෙකුව සිටිනු ඇති බවට Kayama මීට පෙරදී ප්‍රකාශ කර තිබුණද මෑත වසරවලදී ඔහුට ආඝාතය සහ වෙනත් සෞඛ්‍ය ගැටළු ඇති වීමෙන් පසුව ඔහුගේ අදහස වෙනස් කර ඇති බව පැවැසේ.
"සෑම කෙනෙකුම අවසානයේ ඔවුන්ගේ ජීවිතවල යම් ස්ථානයකට ළඟා වන අතර එහිදී ඔවුන් වසර ගණනාවක් කරමින් සිටි දේ අවසන් කළ යුතුය. මට තවදුරටත් ගායනය කරන්න බැහැ කියලා දැනගත්තට පස්සේ ඉවත් වෙනවාට වඩා මට ගීත ගායනා කරන්න පුළුවන් කාලයේදීම ප්‍රසංග කටයුතුවලින් ඉවත් වෙන්න මම තීරණය කළා.මගේ අවසාන ප්‍රසංගය සඳහා විශේෂ දෙයක් කිරීමට මම සිතන්නේ නැහැ. මම මගේ සුපුරුදු රංගනය අවසානය දක්වාම ලබා දුන්නොත්, එය මට සුන්දර මතකයක් වනු ඇතැයි මම සිතමි " යනුවෙන් ඔහු පැවැසීය.
ජපන් භාෂාවෙන් ගායනා කරන ලද ඔහුගේ ගීත Rock 'n' Roll සහ පොප් සංගීතය අනුගමනය කර තිබූ අතර ඔහුගේ අතිවිශාල ජයග්‍රහණ රාශිය අතරට "Kimi to itsumademo" එනම් "ඔබ සමඟ සදහටම" මෙන්ම "Oyome ni oide" එනම් "මගේ මනාලිය වන්න" සහ "Black Sand Beach" එනම් "කළු වැලි වෙරළ" අයත් වේ.
